Lea go vejolaš ieš meroštit movt sámi kultuvra ja dáidda galgá leat, oarjemáilmmi fápmostruktuvrraid haga?
Mii ságastallat girjáivuođa birra iežamet kultuvrras ja dáidagis. Makkár bargu lea dehálaš sámi kultuvrra ja dáidaga ovdáneami dihte, go mii ieš beassat mearridit? Geat mis besset mearridit? Ja go Sápmi lea máŋgga riikkaid siste, ja dan mielde iešguđetlagánat politihkaid ja ruhtadiliid siste, movt sáhttá ovttasbargu riikarájiid rastá leat buorrin ja vuoiggalaš?
Ságastallan streamejuvvui live 2024 skábmamánus, go mii rabaimet iežamet neahttasiiddu.
Oasseváldit: Christina Hætta, Lada Suomerinne, Raisa Porsanger ja Rámavuol Elle Bigge
Báddejuvvon: Skábmamánu 27. beaivvi 2024
Oarjemáilmmi haga
